नवी दिल्ली – विश्व दलित परिषद (एक आंतरराष्ट्रीय आंदोलन) या जागतिक स्तरावरील सामाजिक कार्य करणारी संघटना आहे. या संघटनेची राष्ट्रीय कार्यकारिणीची बैठक संघटनेचे आंतरराष्ट्रीय अध्यक्ष भूपेंद्र पाल सिंह चमार यांच्या अध्यक्षतेखाली झाली. यावेळी राष्ट्रीय अध्यक्ष प्रा. डॉ. सुनील गायकवाड यांची प्रमुख उपस्थिती होती. या बैठकीत पहिल्यांदाच संघटनेच्या आंतरराष्ट्रीय उपाध्यक्ष तथा कायदेशीर सल्लागार या पदावर नेदरलँड स्तिथ मूळ भारतीय वकील प्रणिता अद्वैत देशपांडे यांची सर्वानुमते नियुक्ती करण्यात आली.
विश्व दलित परिषदेचे आंतरराष्ट्रीय तथा भारतभर सुरु आहे. जन्माने ब्राह्मण असून सुद्धा दलित चळवळीत काम करण्याची अॅड देशपांडे यांची इच्छा आहे. तसेच, त्यांच्या कामाचे स्वरूप आणि व्याप्ती पाहून त्यांची नियुक्ती करण्यात आल्याचे डॉ. गायकवाड यांनी सांगितले आहे. त्यांच्या नियुक्ती बद्दल आंतरराष्ट्रीय अध्यक्ष भूपेंद्र पाल सिंह चमार, राष्ट्रीय महासचिव प्रोफेसर डॉ वाल्मीक के सरवदे, राष्ट्रीय उपाध्यक्ष मोहन रेवाप्पा माने, राष्ट्रीय सचिव हरिभाऊ गायकवाड, महाराष्ट्र अध्यक्ष ॲडवोकेट शिरीन वारे, तामिनाडू चे प्रदेश अध्यक्ष विनायगा मूर्ती, तामिळनाडू, आंध्र, तेलंगणा, गुजरात चे प्रभारी विनोद जाधव,प्रदेश प्रवक्ते तथा विधी सलहागार ॲडवोकेट गजानन क्षीरसागर, प्रदेश महासचिव पंकज खरात, प्रदेश संघटक विशाल इंगळे, प्रदेश उपाध्यक्ष ॲड ज्योत्स्ना भिवसणे, प्रदेश सांस्कृतिक विभाग प्रमुख ॲडवोकेट संजय घाघरे,प्रदेश कार्यालयीन सचिव विशाल गढवे,प्रदेश प्रसिद्धी प्रमुख सागर वाघमारे, प्रदेश महासचिव अशोक कांबळे, यांनी अभिनंदन केले आहे.