इंडिया दर्पण ऑनलाईन डेस्क – भोजपुरी अभिनेत्री संभावना सेठची मोठी फसवणूक झाली आहे. तशी माहिती खुद्द संभावना हिनेच दिली आहे. यासंदर्भात तिने एक व्हिडिओ प्रसारित केला आहे. त्यात तिने सांगितले की, ती एका घोटाळ्याची शिकार झाली आहे. तिच्या कंत्राटदाराने तिची लाखो रुपयांची फसवणूक केली आहे. संभावनाने नुकतेच एक नवीन घर घेतले आहे. घराच्या इंटेरिअर डिझायनिंगसाठी तिने कॉन्ट्रॅक्टर नेमला. हा कंत्राटदार पेमेंट घेतल्यानंतर बेपत्ता आहे आणि आता कोणतीही प्रतिक्रिया देत नाही.
अभिनेत्रीने सांगितले की कदाचित ती आगाऊ रक्कम देऊन अडकली आहे. कारण कंत्राटदार त्यांचा फोन उचलला तरी तो त्यांना सबबी सांगू लागतो. कधी तो स्वतः आजारी असल्याबद्दल सांगतो तर कधी आपल्या घरात कोणीतरी आजारी असल्याचं सांगतो. कधी तो मजूर येत नसल्याचे सांगतो तर कधी अन्य सबबी सांगतो. त्याच्या या कारणांमुळेच ती खुप टेन्शनमध्ये आहे.
भोजपुरी अभिनेत्रीची अडचण ही झाली आहे की, तिने या कंत्राटदाराला सर्व पैसे आगाऊ दिले आहेत. संभावना सेठ आणि त्यांचे पती अविनाश द्विवेदी यांचे एक YouTube चॅनल आहे ज्यावर दोघेही मजेदार व्हिडिओ शेअर करत असतात. पण अलीकडेच तिने तिचा एक व्हिडिओ शेअर करुन या फसवणुकीची माहिती दिली आहे. या व्हिडिओ मध्ये संभावना सेठ खूप संतापात दिसते आहे.
Actress Sambhavana Seth Cheating Lakh Rupees Video
