इंडिया दर्पण ऑनलाइन डेस्क – सेलेब्रिटी आणि चर्चा हे समीकरण काही आपल्याला नवीन नाही. त्यात विषय जान्हवी कपूरचा असेल तर चर्चा होणारच. जान्हवी कपूर सोशल मीडियावर कायम सक्रिय असते. तिच्या छोट्या छोट्या गोष्टीदेखील ती चाहत्यांसोबत शेअर करते. तिच्या चित्रपटांपासून ते खासगी आयुष्यापर्यंत अनेक गोष्टींमुळे ती चर्चेत असते. जान्हवीचा ‘मिली’ चित्रपट नुकताच प्रदर्शित झाला. त्यानंतर तिच्या अफेअरच्या चर्चा रंगू लागल्या. याबाबत तिने नुकताच खुलासा केला आहे. त्यामुळे साहजिकच चाहत्यांना देखील धक्का बसला आहे. तेव्हा सर्वांचे अंदाज जान्हवीने सपशेल फोल ठरवले आहेत असं दिसत आहे.
बॉलीवूडमध्ये जान्हवी कपूर हे नाव सर्वाना माहीत आहे. तिचा चाहता वर्ग देखील मोठा आहे. ती काही महिन्यांपूर्वी ओरहान अवत्रमणीला डेट करत असल्याची चर्चा होती. ती दोघे अनेकदा एकत्र दिसल्यामुळे त्या दोघांमध्ये काहीतरी सुरू असल्याच्या चर्चा रंगल्या होत्या. पण काही काळाने त्यांचे ब्रेकअप झाल्याचे समोर आले होते. आता पुन्हा ती दोघं एकत्र दिसल्याने त्यांचं पॅचअप झालं असून ती दोघं एकमेकांना डेट करत आहेत असं म्हटलं जात आहे.
यातही एक ट्विस्ट आहे. नुकत्याच एका मुलाखतीत जान्हवीने ओरहानबद्दलच तीच मत व्यक्त केलं आहे. ती म्हणाली, ‘मी ओरीला अनेक वर्षांपासून ओळखते. तो माझा भक्कम आधार आहे. त्याने नेहमीच माझी साथ दिली आहे. तो जेव्हा सोबत असतो, तेव्हा मला खूप कम्फर्टेबल वाटतं. मी त्याच्यावर पूर्णपणे विश्वास ठेवू शकते असा तो आहे. माझा त्याच्यावर खूप विश्वास आहे. असा मित्र मिळणं हे खरोखर माझं भाग्य आहे. आम्ही एकत्र असताना खूप मजा करतो. तो माझा खूप चांगला मित्र आहे. असा खुलासा तिने केला.
त्यामुळे तूर्तास तरी या चर्चाना पूर्णविराम लागला आहे. असं असलं तरीही हे मनोरंजन विश्व आहे इथे काहीही घडू शकत. तेव्हा आता पुढे काय होत याकडे सगळ्यांचं लक्ष लागलं आहे. ओरहान उर्फी ओरी हा अनेक अभिनेत्रींसोबत अगोदर देखील दिसला आहे. तो कुणी स्टार कीड नाही किंवा अभिनेता नाही. तर तो राजकीय क्षेत्रात असल्याचे बोलले जाते. अनेकदा त्याचा उल्लेख मिस्ट्री मॅन म्हणून देखील करण्यात येतो.
Actress Janhavi Kapoor on Affair Date
Orhan Awatramani Entertainment