शिर्डी – भाजपच्या अध्यामिक आघाडीचे प्रदेशाध्यक्ष आचार्य तुषार भोसले यांनी आनंदोत्सव साजरा करत घेतले साईबाबांचे दर्शन घेतले. यावेळी त्यांनी सांगितले की, आंदोलनाला यश आले आणि आज अखेर मंदिरे उघडली गेली. शिर्डी येथे भव्य आनंदोत्सव साजरा करत साईबांबांचे दर्शन आम्ही घेतले. जन्मदिनी राज्यातील सर्व मंदिरे उघडून साईबाबांच्या चरणी लीन होण्याचे परम भाग्य लाभले यातच जन्मा आल्याचे सार्थक झाले आहे. संकटात सापडलेल्या शेतकरी ज्याला शासनाचा कोणताही दिलासा नाही, महिलांवर वाढलेले अत्याचार, राज्य सरकारी कर्मचारी आत्महत्या, माध्यमांची गळचेपी, साधु-संतांवरील हल्ले, हत्या असा राज्यात सुरु असलेला अन्याय, अत्याचार ,अनाचार, दुराचार लवकरात लवकर दूर होऊन “ईडा, पिडा टळू दे आणि धर्माचे राज्य येऊ दे” अशी प्रार्थना बाबांच्या चरणी केल्याचेही त्यांनी सांगितले. यावेळी वारकरी संप्रदायाचे भाऊ महाराज फुरसुंगीकर, संजयनाना महाराज धोंडगे, सुदर्शन महाराज महानुभाव, जिनेंद्र जैन, भाजपा जिल्हाध्यक्ष राजेंद्र गोंदकर, शिर्डी शहराध्यक्ष सचिन शिंदे, श्रीरामपुर तालुकाध्यक्ष बबनराव मुठे यांसह असंख्य कार्यकर्ते उपस्थित होते.
