वॉशिंग्टन – अमेरिकन फार्मास्युटिकल कंपनी मॉडर्ना इंडस्ट्रीजने दावा केला आहे की, त्यांनी तयार केलेली प्रायोगिक लस ही कोरोनाचा रोखण्यासाठी 94.5 टक्के प्रभावी आहे. कंपनीच्या अहवालानुसार, लसीच्या चाचणीच्या शेवटच्या टप्प्यातून प्राप्त झालेल्या अंतरिम डेटाच्या आधारे त्यांनी हा निष्कर्ष दिला आहे.
कोरोनावरील लसीसंबंधी एका आठवड्यात अपेक्षेपेक्षा जास्त चांगल्या परिणामांची नोंद करणारी अमेरिकेची ही दुसरी कंपनी आहे. फायझर कंपनीने यापूर्वी सांगितले की, त्यांची लस कोरोना थांबविण्यात 90 टक्क्यांहून अधिक प्रभावी होती. आता असे मानले जाते की, अमेरिका आपत्कालीन परिस्थितीत दोन कंपन्यांनी डिसेंबरमध्ये आणलेल्या लसांच्या वापरास परवानगी देऊ शकते. वर्षाच्या अखेरीस या दोन्ही लसांच्या 60 दशलक्षाहून अधिक डोस उपलब्ध असतील. दोन्ही लसी नव्या तंत्रज्ञानावर बांधल्या जात आहेत. या संदर्भात मॉडर्नाचे अध्यक्ष स्टीफन हॉग यांनी दूरध्वनी मुलाखतीत सांगितले की, आमच्याकडे लवकरच अंतीम लस तयार होणार आहे. जी कोरोना थांबविण्यात प्रभावी ठरणार आहे, तसेच मोडर्नाने जाहीर केलेल्या प्राथमिक माहितीनुसार त्यांची लस सुमारे 95 टक्के प्रभावी आहे. मॉडेरना तयार करत असलेल्या लसचा सर्वात मोठा फायदा म्हणजे, तीला अल्ट्रा कोल्ड स्टोरेज (अत्यंत कोल्ड) सारख्या तापमानात ठेवण्याची आवश्यकता नाही. यामुळे त्याची वाहतूक सुलभ होईल. या कंपनीचे म्हणणे आहे की, ते रेफ्रिजरेटरच्या दोन ते आठ डिग्री तापमानात 30 दिवस ठेवता येते. तसेच जर ही लस उणे 20 डिग्री सेल्सिअस तापमानात ठेवली गेली तर ती सहा महिन्यांपर्यंत खराब होणार नाही.
..
